"MERKEZI AZIÝADA MÖHÜM ORNITOLOGIK ÝERLER" (MOÝ/IBA) MAKSATNAMASYNYŇ ÇAGINDE GEÇIRILEN "GUŞLAR ÇAGALARYŇ GÖZI BILEN" ATLY ÇAGALARYŇ SURATKEŞLIK BÄSLEŞIGI

IBA/SA/TM Maksatnamasynyň jemgyýetçilik bilen işleriniň meýilnamasyna laýyklykda, Bitaraplyk aýynyň 26-dan 31-i aralykda Türkmenbaşy şäherindäki “Türkmenbaşy” otelinde Türkmenbaşy şäheriniň mekdep okuwçylarynyň arasynda uglan edilen “Guşlar çagalaryň gözi bilen” atly bäsleşigi – çagalaryň suratkeşlik işleriniň sergisi geçirildi. Sergide 187 sany çeperçilik işleri goýuldi. Onuň açylan güni 300-den gowrak adam sergini görmäge bardylar: mekdep okuwçylary we olaryň mugallymlary, şäher Häkimligiň, Tebigaty goramak ministrliginiň, Hazar döwlet goraghanasynyň, “Hazarekogözegçilik” ekologik gullugynyň wekilleri, IBA/SA/TM Maksatnamasynyň işgärleri, Türkmenbaşy şäheriniň guşlary söýüjiler Klubynyň agzalary, şeýle-de TDH gullugynyň wekilleri. Bu aksiýa Hazar döwlet goraghanasynyň 75 ýyllygyna bagşlany. Bu bäsleşigi geçirmeklige Aşgabat şäherindäki OBSE Merkezi maliýe goldawyny berdi. Bäsleşigiň ýeňijilerine, baýrakly orna mynasyp bolanlaryna ýadygärlik diplomlary, sowgatlar we höweslendiriji baýraklar gowşuryldy. Bu aksiýa has işeňňir gatnaşan mekdeplere Tebigaty goramak ministrliginiň adyndan “Türkmenistanyň Gyzyl kitabynyň” toplumy gowşuryldy.

IBA/SA/TM Maksatnamasynyň jemgyýetçilik bilen işlemeginiň çäginde 2008-nji ýylda tebigaty goramak çäreleriniň, aksiýalarynyň we Türkmenbaşy şäheriniň guşlary söýüjiler Klubynyň agzalary bilen meýdanda guşlary öwrenmek işleriniň bir näçesini geçirmeklik meýilleşdirilýär. Tebigaty goramak aksiýalaryny geçirmeklik ekologiýa meselelerine ýaşlary çekmek we ýerli ilatyň arasynda jemgyýetçiligiň ekologik hereketlerini wagyz etmek üçin örän ajyp hem täsirlidir, sergide goýulan suratlar olaryň tebigata we öz ýurdunyň guşlaryna çuňňur söýgüsini görkeziji bolup durýar.